好多人話“Made in Germany”（德國製造），係品質和安全性的保證。德國化妝品已經佔據了第一護膚品牌、全球第一瓶洗髮水、歐洲第一護手霜品牌、藥妝品牌等諸多第一的寶座。

但係點樣先確保係市面上買到既德國產品真係"德國製造"？原來市面上有好多所謂巧立明目既"偽・德國貨" ，又話德國牌子又話德國技術又德國原料又德國公司又德國註冊⋯⋯甘多種花巧既字句，其實你都只需要關心，究竟係咪"德國製造"。好多消費者見到包裝或廣告上面有德國呢兩個字就以為實有保證，但其實未必。

我自己屋企人就有類似經歷。話說呀爸早排網上買左套"德國"煮食廚具，話係德國牌子同德國原料，價錢好抵。（但我每次返香港話買俾佢都話唔洗）但點知一煮個鑊就變黑。我之後就上網查呢個牌子（因為我係呢邊未聽過亦未見過），點知完全搵唔到一D英文或德文資料，亦唔見有德國註冊公司，淨係見到係大陸既網好似淘寶京東果D先有介紹。我已經可以肯定呢個係一D國內廠家巧立明目整出黎既牌子。自己身邊朋友都有好多時問我，有D德國牌子係咪德國平D，但其實果D牌子呢度都無見過。例如有係 CX1X奇跡面膜，查完一輪其實係馬來西牙品牌同公司，但德國製造。亦有D係德國品牌，但係產品只係海外生產餌海外市場，德國無得賣。仲有早排係淘寶有人買到D假德國貨，因為有無良商人用德國包裝盒黎入無牌製品。所以要做個精明清費者真係一D都唔容易。

究竟點樣先確保係市面上買到既德國產品係"真・德國貨"？之前係網上睇過其實有一個小技巧！係產品包裝上可以睇到！等我用幾件貨品實物示範：

左至右分別係： Annemarie 橙花蜜，Rival de Loop補水安瓶，Schaebens死海泥面膜，Balea去水腫眼霜

我地只需要通過識別條形碼的知曉生產地。因為條形碼能反映巨大信息量，整體所反映的就是生產商身份代號、地區、生產時間等，我地唔要識哂所有碼號，只需認住頭3個數字就可以！！！因為前3位代表生產商註冊國，400-440都是德國註冊生產商。之後果幾位數，根據商家需要會變動，但一般都是生產線、生產日期、截至日期還有毫無意義的編碼。

查證時間，我我睇睇係咪先：

可以睇睇幫平時代購既產品係咪真係有呢幾個Code:

Annemarie 橙花蜜 － 401

Rival de Loop補水安瓶 － 430

Schaebens死海泥面膜 － 400

Balea去水腫眼霜 － 401

由此可見，簡單從頭幾個條碼已經可以幫你辯真偽。以後除左睇 "Made in Germany" 仲可以睇埋呢個！快D拎你D德國寶貝出黎睇睇！ 下面附上附上世界各國條形碼前綴表，等各位姊妹們可以將家裡其它國家的“寶貝”拎出來對號入座。 (當然未必所有都適用，亦見過D係400 但寫Made in Thailand，但購自德國註冊藥房，德國牌子，但至少該件產品已係德國認證生產商)

https://en.wikipedia.org/wiki/List_of_GS1_country_codes

Share 篇野俾你D朋友，等大家都可以做個"真·精明消費者"，買"真．德國貨"。

或者係www.germanbuyhk.com 就可以買到"真．德國貨"